Biezaizy(Poem)
PHEIHNIE
Avapi lia, zili liata
Rila pavaw, zawna pheihnie
Mo thai y vei.
Chhaolei chô lia, ti thu ry ta,
Zawpa ngazy, siena lathlo
Thlua thai y vei.
Khizaw liata, manô sozy
Ryuhi dei cha, lei bei va ei
Thyutlai saw cha.
@Zili = thli, thlihua
@Rila = Pavaw chikha, azo chy ta nata mydi zy ta a zaw typa.
@Manô=Chysa
@Ryuhi=Thi chy ta chhopa bie
K.Hliesa
Ei Paw
Hawti daiti; Khizaw vârâh,
Phahlana rai; hnei leipa ta,
Ahy paw hla; Thatlo chaipa,
Ei paw Deitah.
Huasaw daiti; Nama hawta,
Pahno thailei; Na hrutuh haw,
Nozah chhipa; Zawsa hmiako,
Vaw rei rai khai.
Pitlo tawta; Ei paw taopa,
Pahno thaina; naota cha vei,
Hiahru tua rai; Pahno khai awh.
Ahma tlai he; Ei paw tlai kha,
Vaw y chyse;
Kalie dawchhau, A nao tahta,
A tao khai awh.
Paw Sawchapaw.
